“Аюулгүй байдалд Манлайлал ба Оролцоо” уриатай “Нэн түрүүнд ХАБ-2022” чуулга уулзалт Эрдэнэт хотноо болж байна. Ажил олгогчдын манлайллыг сайжруулах ХЭМАБ-ын олон улсын стандартыг нэвтрүүлсэн сайн туршлагыг танилцуулж буй уулзалт 9-р сарын 14-нөөс эхлэн салбар хуралдаанаар үргэлжилсэн.

Чуулганы үр дүн, оролцогчдын санал санаачилгыг нэгтгэн танилцуулж, тодорхой шийдвэр гаргах уулзалтыг Эрдэнэт хотод зохион байгуулахаар болсон байна.  

Нэн түрүүн ХАБ-2022  чуулганыг зохион байгуулагч Хөдөлмөр нийгмийн харилцааны дээд сургуулийн захирал Г.Баярмаа “11 дэх жилдээ  болж буй чуулганд ХАБЭА хуульд өөрчлөлт оруулах, ХЭМАБ-ын мэргэжилтнийг улсын хэмжээнд бэлтгэх, чадавхжуулах  шаардлагатай гэсэн олон санал ирсэн” гэж  онцлон хэллээ. Чуулганд цахим, танхимаар 3 мянга орчим хүн хамрагдаж, 1400 хүний санал хүсэлт иржээ.

 Жил бүр хөдөлмөрийн аюулгүй байдлын уулзалтыг зохион байгуулдаг ч тодорхой ахицгүй байдаг. Иймд хурлаас гарсан санал зөвлөмжийг хууль эрх зүйнд түвшинд анхаарах ёстойг оролцогчид сануулж байлаа.

Чуулганд Эрчим хүч, Уул уурхай, хүнд үйлдвэр, Эрүүл мэнд,  Хөдөлмөр нийгмийн хамгаалал гэсэн салбар яам, ХАБЭА-н үндэсний хороо, салбар зөвлөлүүд, зөвлөлийн гишүүд, МХГ, ХАБЭА-н салбарын мэргэжилтнүүд ,  Эрдэнэт үйлдвэр ТӨҮГ-ын ажилчид, ААНБ-ын удирдлагууд оролцлоо.