Кабулын техник, мэргэжлийн дээд сургуулийн инженерүүд үндэсний анхны супер машинаа танилцуулсан тухай Daily Mail сонин мэдээлжээ. Toyota Corolla хөдөлгүүртэй Mada 9 машиныг бүтээхэд Кабулын техник, мэргэжлийн дээд сургууль мөн Entop үйлдвэрийн 30 инженер таван жилийг зарцуулжээ.

Машины техник үзүүлэлтийг хараахан ил болгоогүй байна. Mada 9 машины бүхээгийг хөнгөн композит материалаар бүтээсэн бол хөдөлгүүр нь Японы Toyota Corolla гэдэг нь л мэдэгдээд байгаа юм. Одоо машиныг туршин үнэлэх юм. Харин ирээдүйд экспортод гаргахаар төлөвлөсөн байгаа ажээ.