2020, 2021, 2022 оны улсын аварга "Хилчин" спорт хорооны тамирчин ОУХМ Бишрэлтийн Хорлоодой АНЭУ-ын нэр дээрээс барилдахаар болжээ. Тэрээр өнгөрсөн жилийн Ташкентийн ДАШТ-ий V байрын шагналт, Азийн АШТ-ий хүрэл, Гранд Слам, Гранпригийн 1 мөнгө, 6 хүрэл медальт тамирчин юм.
Өдгөө 24 настай тэрээр Эмиратын нэрийн өмнөөс барилдах Монголын хоёр дахь жүдоч бөгөөд Б.Алтанцэцэг өнгөрсөн жилийн сүүлээр легионероор очсон байна. Б.Хорлоодой нь Монгол улсаас легионер тамирчнаар албан ёсоор гарсан 7 дахь тамирчин юм.