БНХАУ-ын Үндэсний цаг уурын алба цаг агаарын онц аюултай үзэгдэлтэй холбоотойгоор аюулгүй байдлын түвшинг улбар шар түвшинд хүргэжээ. Ойрын өдрүүдэд урд хөршид огцом хүйтэрч, цасан шуурга шуурах юм байна. “Синьхуа” агентлаг өнөөдөр энэ талаар мэдээллээ.

Үндэсний цаг уурын албаны тооцоолсноор, өнөөдрөөс лхагва гараг хүртэл БНХАУ-ын төв болон зүүн нутгаар агаарын хэм 10-16 хэм рүү огцом унах бөгөөд баруун хойд нутгаар шороон шуурга шуурах аж.