Цаг агаар огцом хүйтрэхтэй холбоотойгоор нийслэлийн Засаг дарга Д.Сумъяабазар захирамж гаргаж, энэ сарын 28-ны өдөр ЕБС, цэцэрлэгийн сургалтыг цахимаар явуулсан билээ. Өөрөөр хэлбэл, сургууль цэцэрлэгийн багачууд өнөөдрөөс хичээлдээ хэвийн явж эхэлж буй. Тэгсэн ч хүйтний эрч, түгжрэл буураагүй буюу нөхцөл байдал өөрчлөгдөөгүй хэвээр.

Энэ асуудлуудыг дагаад сурагчдын амрах хугацааг наашлуулж арванхоёрдугаар сарын 01 болгох тухай асуудал ч нийгмийн сүлжээнд хөндөгдөж эхлэв. Хэрэв энэ асуудал дэмжигдвэл сурагчдын амралт 14 хоногийн өмнө эхлэхээр байсан юм.

Энэ асуудлаар БШУЯ-аас тодруулахад: "Энэ асуудал хөндөгдөөгүй байна. Цаашид ч үгүй байх. Тодруулбал, сурагчдын амрах хугацааг наашлуулах боломжгүй. Сурагчид заасан хугацаанд буюу арванхоёрдугаар сарын 17-ноос төлөвлөсөн ёсоор амарч эхэлнэ" гэлээ.