БНАСАУ тагнуулын хиймэл дагуул бүтээх эцсийн шатны чухал туршилтыг ням гарагт хийсэн гэдгийг БНСУ мэдээллээ. 2013 онд байгуулагдсан БНАСАУ-ын Үндэсний сансрын хөгжлийн газар буюу NADA ирэх оны дөрөвдүгээр сард цэргийн тагнуулын анхны хиймэл дагуулыг бүтээж дуусгахаар төлөвлөж байна гэж Өмнөдын тал үзэж буй. Хойд Солонгос тагнуулын хиймэл дагуулын туршилтаараа Сөүл болон Инчоны зургийг авсан гэжээ.
Туршилтыг тус улсын баруун хойд хэсэгт орших “Сохэ” сансрын хиймэл дагуул хөөргөх талбайгаас явуулахдаа камер, өгөгдөл дамжуулах төхөөрөмжөөр тоноглосон хиймэл дагуулыг зөөгч пуужингаар 500 км-ийн өндөрт хөөргөжээ. Өчигдөр Хойд Солонгосыг дундын тусгалт хоёр пуужин харвасан гэж мэдээлж байсан нь энэхүү туршилттай нь холбоотой гэж үзэж байгаа аж