Украины Ерөнхийлөгч Володимир Зеленский лхагва гарагт АНУ-д айлчилж, Ерөнхийлөгч Жо Байдентай уулзаж магадгүй гэж эх сурвалжууд албан бусаар мэдээлж байна.

Энэ нь Зеленскийн хувьд дайн эхэлснээс хойших анхны гадаад айлчлал нь болно. Айлчлалынхаа хүрээнд Зеленский конгресст үг хэлж магадгүй аж. Учир нь Төлөөлөгчдийн танхим дахь ардчилсан намын бүлгийн дарга Нэнси Пелоси конгрессийн гишүүдэд илгээсэн захидалдаа лхагва гарагийн орой болох ардчиллын онцгой хуралд оролцохыг урьжээ. Зеленскийн айлчлалтай холбоотой албан ёсны мэдэгдлийг талуудын аль нь ч хийгээгүй байна.

Дайн эхэлснээс хойш Оросын түрэмгийллийн эсрэг зогсоход нь АНУ одоогийн байдлаар Украинд 18,2 тэрбум ам.долларын тусламж үзүүлжээ.

Володимир Зеленский мягмар гарагт Бахмут хот дахь фронтын шугамд гэнэтийн айлчлал хийж, байлдагч нартай уулзсан байна.